Berokuntza

Bezeroaren beharren araberako instalazioak diseinatzen ditugu beti, espazio zein inguruneak ahalbidetzen dituen bitartekoak erabilita.

Espazioak berotzeko eta UBS-a (ur bero sanitarioa) produzitzeko aukera ezberdinak eskaintzen ditugu, hala nola aire-ur bero-ponpa aerotermiko edo geotermikoak (hotza emateko ere gai direnak), biomasa galdarak (pelet edo egurrezkoak), su-baju hidraulikoak (tximinia berogailuak), sistema ezberdinen arteko hibridazioak, eta abar…

Bero-igorpenari dagokionez (baita hotzari dagokionez ere, kasu bakoitzaren arabera), elementu igorle ugari daude, hala nola, zoru erradiatzailea, tenperatura baxuko erradiadoreak, ohiko erradiadoreak, airea inpultsatzeko modu desberdinak, hala nola saretak edo “fan-coil”-ak, etab… Bezeroaren aukeren eta nahiaren araberakoa da aukeraketa, betiere estetika zainduz, efizientzia eta erosotasuna alde batera utzi gabe.

Larrialdi klimatikoaren testuinguruan, eraikuntzaren sektoreak berebiziko garrantzia du: Europa mailan energia kontsumoaren %40ren eta energiatik eratorritako CO₂ isurien %36ren erantzulea da; Espainiar Estatu mailan, berriz, azken energia kontsumoaren %30 eta isurien %25 eragiten ditu, eta horietatik %8,2 etxebizitza, merkataritza eta erakunde-sektoreko erregai-kontsumoarekin lotutako zuzeneko emisioak dira.

Beraz, funtsezkoa da eremu horietan ere jardutea, eta Hotz-Beron urteak daramatzagu horretan, instalazioen efizientzia energetikoa hobetzen eta CO₂ isuriak murrizten.